سلێمانی
فیستیڤاڵی ساڵانەی زانستە كشتوكاڵییەكان بەرێوەچوو
 ئاڕاستە

بەیانی ئەمڕۆ لەكۆلێژی كشتوكاڵی بەكرەجۆ سەر بەزانكۆی سلێمانی فیستیڤاڵی ساڵانەی زانستە كشتوكاڵییەكان بەرێوە چوو,ڕاگری كۆلێژەكەش ڕایدەگەیەنێت: بۆ دەرخستنی توانای زانستی بەشەكان و بەهرەكانی خوێندكارانە. 
فیستیڤاڵەكە بە بەشداری چەند جوتیارێكی نمونەیی و ئامادەبوونی وەزیری كشتوكاڵ بۆ 6 بەشی كۆلێژی كشتوكاڵ كە هەر یەكەیان بە نمایش كردنی كارەكانیان تایبەت بە بەشەكەی خۆی وەكو دروست كردنی چەند جۆرێكی خواردن بەشێوەی سروشتی و ئامادەكردنی گڵی بە پیت بۆ كاری كشتوكاڵی و چەندین بەهەمی تری بواری كشتوكاڵی بە رێوەچوو.
د.كارزان توفیق ڕاگری كۆلێژی زانستە كشتوكاڵییەكان لە لێدوانێكیدا بۆ ئاڕاستە ڕایگەیاند: ساڵانە ئەم فیستیڤاڵە رێك دەخەین بە ئامانجی دەرخستی توانای زانستی كۆلێژەكە و بەهرە و داهێنانەكانی خوێندكاران بەهاوكاری چەند جوتیارێكی نمونەیی بۆ ڕا گۆڕینەوە و سود وەرگرتن لە روانگەی زانستی ئێمە و ئەزموونی جوتیاری ئەوان لە پێناو بەرەو پێش بردنی كەرتی كشتوكاڵ.
وتیشی : لە دەستپێكی فیستیڤاڵەكەدا د.ستار عەبدولمەجید وەزیری كشتوكاڵ لە وتەیەكیدا بەڵێنی ئەوەی پێداین بەردەوام دەبێت بۆ بەدەست خستنی هەلی كار بۆ دەرچووانی ئەم بەشانە.

4405 جار خوێندراوه‌ته‌وه‌
5/6/2017 4:38:47 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ