سلێمانی
شیعر بۆشاری شاران
 ئاڕاستە

سلێمانی

عەلی حەمە ڕەشید بەرزنجی

بۆسلێمانی

من ئالودەی سلێمانیم
لێوان لێوم لەئەوینی
ڕۆحم ئاوێتەی شاربوە
شادومانم بەبینینی
بۆیەدەڵێم سلێمانی
بۆهەمومان تواناوتینی


کوچەوکۆڵان وشەقامت
بەیادەوەری تەنراون
بۆهەر لایەک هەنگاوبنێی
تابلۆکانت سۆمای چاون
هێندە دڵگیروشیرینن
لەنێودڵماندا نەخشاون


مێژوت پڕە لەسەروەری
هەروەکو خۆرپرشنگدارە
هەردەم کێوی پۆڵاین بوی
بەرامبەر هەرچی زۆردارە
جێی شانازیت بۆئێمەی کورد
ناوت لەبەرزیدا دیارە


بۆخەبات وڕۆشنبیری
پێشەنگێکی ئازاودیاری
لامان بویتە شاری شاران
خۆشەویست وشکۆداری
لەهەرلایەک ناوت بێنن
ئازیزترین ئەوینداری
634 جار خوێندراوه‌ته‌وه‌
5/1/2017 7:48:42 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ