ترافیک
هاتوچۆ ئاگادارى شۆفێران ده‌كات كه‌ هاتو چۆنه‌كه‌ن
 ئاڕاسته‌:چاوان حسام

هاتوچۆی هەولێر ئاگاداری هاوڵاتیان و شۆفیران دەكاتەوە كە ناوچە شاخاوییەكان بەهۆی بەفر بارینەوە مەترسی لەسەرەو بەكاری نەهێنن.

بەرێوەبەرایەتی هاتوچۆی هەولێر لەئاگادارینامەیەكدا كه‌ وێنه‌یه‌كى ده‌ست ئاڕاسته‌ كه‌وتووه‌ ڕایگه‌یاندووه‌:ئاگاداری شۆفێران و هاوڵاتیان دەكه‌ینه‌وه‌ لەسنوری شاری هەولێرو دەوروبەری كەوا بەهۆی بەفر بارین و نزمبونەوەی پلەكانی گەرما بۆ ژێر سفر رێگاكانی كەهەولێر بەناوچە شاخاوییەكان دەبەستیتەوە سەلامەت نین بەهۆی دروستبونی شەختە و بەستەلەك لەسەریان سەرەڕایی بەردەوامی بەفر بارین لەهەندێك شوێن.

وتیشى:بۆیە داوا لەشۆفێران دەكەین لەحاڵەتی زۆر زەرور نەبێت سەفەری ناوچە شاخاوییەكان نەكەن وە رێگاكانی دۆڵی سماقولی كەپكی شیلانە بەكارنەهێنن چونكە زیاترین بەفر لەم ناوچانە باریوە وە كاریگەری لەسەر ئاستی سەلامەتی رێگایەكان كردوە.

ئەمەش لە كاتێكدایە ، كەمێك پێش ئێستا میللەت بڵاویكردەوە كە نزیكەی 100 ئۆتۆمبێل و خێزان كە بۆ بەسەربردنی كاتێكی خۆش چوونەتە سەر چیای سەفین، بەهۆی بەفربارینێكی زۆر و لەناكاو رێگایان گیراوە.
195 جار خوێندراوه‌ته‌وه‌
1/10/2019 9:29:51 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ