سلێمانی
پە یمانگای کۆمپیتەری ڕانیە ڤێستیفالی خۆی سازکرد
 ئاڕاستە

ئەمڕۆ سێ شەممە 18 /4 بەدروشمی "زانست و کلتور دوانەی پێشکەوتنی کۆمەڵگان " پەیمانگای کۆمپیوتەری ڕاپەڕین دووەمین فستیڤاڵی خۆی بە ئامادەبوونی بەرپرسانی حکومی و حزبی و خوێندکارانی ڕانیە ئەنجام دا .

عبداللە حەمەد بەڕێوبەری پەیمانگای کۆمپیوتەری ڕاپەڕین بە ئاڕاستەی ڕاگەیاند" ئەوە بۆ ساڵی دووەمینە کە  فستیڤاڵی تەکنەلۆژی و زانیاری کلتوری لە پەیمانگاکەمان ئەنجام دەدەین و خۆێندکارانمان داهێنان و توانای خۆیان لەبواری تەکنە لۆژی و هونەری نیشان دەدەن ئەوە سەلمێنەری ئەو ڕاستیەیە کە توانای خۆێندکارانما لە ئاستی باڵادا دەبینینەوە هیوا خوازین لایەنی پەیوەندی دار لە حکومەت و کۆمپانیکانی کەرتی تایبەت و مارکێتەکان سود لە بیرۆکەی خوێندکارانمان وەربگرن".
لای خۆشیانەوە خوێندکاران مەڵبەند غازی و ساڵح عزیز کە هەریەکە و بە پڕۆژەی جیاواز بەشداریان لە فستیڤاڵە دا کردبوو بە ئاڕاستەیان ڕاگەیاند " کارەکانمان بۆ سودی گشتی کۆمەڵگاکەمانن بە هیوای ئەوەین حکومەتی هەرێم بتوانێت سود لە و پڕۆژانە وەر بگرێت و هەروەها کەرتی تایبەتو کۆمپانیکان سود لە پڕۆژەکانمان ببین".
لە بەشی کلتوری فستیڤاڵەکەشدا خوێندکاران بە ئامادە کردنی خواردن و چالاکی کوردەواری پێشوازیان ئامادەبوان کرد.

1578 جار خوێندراوه‌ته‌وه‌
4/18/2017 2:19:35 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ