هەواڵ
مونیرە عوسمان ناتوانم ئه‌و 48 ملیۆنه‌ ببه‌خشمه‌ نەخۆشخانەی هیوا
 ئاراسته‌:عه‌بدول نه‌جم
مونیرە عوسمانی ئه‌ندام په‌رله‌مانی بزوتنه‌وه‌ی گۆڕان له‌ باره‌ی ئه‌و 48 ملیۆنه‌ی كه‌ وه‌ریده‌گرن ده‌ڵێت ،تکاتان لێدەکەم ئەو هەموو بێ ڕێزیە ڕاگرن.
مونیرە عوسمان له‌ ڕونكردنه‌وه‌كه‌دا باس له‌وه‌ده‌كات:هەواڵێک کە لەهەندێک پەیجی بێ دایک و باوک بڵاو بۆتەوە سەبارەت بە ئەو ٤٨ ملیۆنەی کە هێشتا کەس نازانێت وەردەگیرێت یان نا سەرەتا تکاتان لێدەکەم ئەو هەموو بێ ڕێزیە ڕاگرن.

مونیره‌ كه‌ له‌ فه‌یسبوكی خۆی بلأویكردۆته‌وه‌ باس له‌وه‌شده‌كات : ئه‌و ئیکرامیەیەی پەرلەمانتاران کە بەیاسا ڕێکخراوە کەهیچ گوناهێکی ئێمەی گۆڕانی تێدا نیە هەوڵی زۆرمان داوە لە ڕێگەی پێشکەشکردنی پڕۆژە یاساوە بۆ هەموار کردنی ئەو یاسایە کە نادادپەروەری زۆری تێدایە ، بەجۆرێک کە جۆرێک لەدادپەروەری هەبێت لەموچەدا .
ئه‌و ئه‌ندام په‌رله‌مانه‌ی گۆڕان نوسیوێتی: بە کورتی و بە پوختی شەڕی گەورەی ئێمە وەک گۆڕان لەسەر دادپەروەری بووە لەماوەی هەردوو خولەکەدا، بەڵام ئەوان بەزۆرینە لە ئێمەیان بردۆتەوە ،باشە ئێمە چی بکەین  ئەوە ماوەیەکیشە زۆر زۆر بێ ڕەحمانە کەوتونەتە وێزەمان دەیان جار بێ حورمەت و بێ کەرامەتیان کردین بە بێ ئەوەی بزانن کە ئەو هەموو هێرشەیان دەچێتە خزمەتی کێوە ،
 له‌ كۆتایدا مونیره‌ ده‌ڵێت:لێرەدا دەمەوێت ئەوە ڕون بکەمەوە کە لەهەندێک پەیجی ساختەو ئەکاونتی هەندێ هاوڕێشەوە کە لەو پەیجانەوە هێناویانە کە گوایە ئێمە ئەو ئیکرامیە دەدەین بە نەخۆشخانەی هیوا ،من بۆ خۆم تەمەنام دەکرد کە وەزعی داراییم باش بوایە بەردەوام هاوکاری ئەو شوێنانەمان بکردایە ، بەڵام بەداخەوە کە وەزعی دارایی من زۆر موتەوازیعە کە ناتوانم ئەو هاوکاریە بکەین ، سەبارەت بەو ٤٨ ملیۆنەیش تا ئێستا ٤٨ فلسمان وەر نەگرتوە تا بیدەین بە هیچ شوێنێک لە گەڵ ڕێزی زۆرم بۆ گشت لایەک.
12347 جار خوێندراوه‌ته‌وه‌
11/3/2018 9:54:16 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ