ترافیک
هەركەسێك ماتۆڕسكیل بەكاربهێنیت دەستگیردەكرێت
 ئاڕاسته‌:چاوان حسام

پۆلیسی سلێمانی دەستی بەسەر 67 ماتۆڕسكیلی بێسەرەتادا گرت و هاوكات جه‌ختى له‌وه‌شكرده‌وه‌ كه‌ هەركەسێك ماتۆڕسكیلی بێسەرەتا بەكاربهێنیت دەستگیردەكرێت.

به‌ڕێوه‌به‌رایه‌تى پۆلیسی هاتوچۆى سلێمانی لە راگەیەندراوێكدا كه‌ وێنه‌یه‌كى ده‌ست ئاڕاسته‌كه‌وتووه‌ ڕایگه‌یاندوه‌: پاش تۆماركردنی‌ چەندین سكاڵا لەلایەن دانیشتوانی‌ گەڕەكەكانی بەختیاری و سەرچنار بەهۆی‌ بێزاربونیان لەهاتووچۆی‌ ماتۆرسكیلی‌ بێ سەرەتا ، شەوی ڕابردوو مەفرەزەكانی‌‌ هەردوو بنكەی بەختیاری و سەرچنار دەستیان بەسەر  67 ماتۆرسكیلی‌ بێ سەرەتادا گرت.

ئه‌وه‌شى تێدا هاتووه‌: شۆفێری ماتۆڕسكیلەكانیش دەستبەسەركراون‌ و رێكاریی یاساییان بەرامبەر گیراوەتەبەر.

جه‌ختى له‌وه‌شكردۆته‌وه‌:هەڵمەتی دەستبەسەراگرتنی ماتۆڕسكیلی بێسەرەتا بەردەوام دەبێت و هەركەسێك ماتۆڕسكیلی بێسەرەتا بەكاربهێنیت دەستگیردەكرێت و ڕووبەڕووی یاسا دەكرێتەوە.

1204 جار خوێندراوه‌ته‌وه‌
10/25/2018 10:27:31 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ