دۆسیە
بۆچی کەجەکە ڕەخنە لە پارتی و حکومەتی هەرێم و عێراق دەگرێت ؟
 ئاڕاستە : هەردی حەسەن

بەرپرسی پەیوەندیەکانی دەرەوەی  کۆماجڤاکێن کوردستان { کەجەکە ) هەڤاڵ سەرحەت ڤارتۆ  لە لێدوانێکی دا بۆ ماڵپەڕی ئاڕاستە باسی لە هێرشەکانی دەوڵەتی تورکیا بۆسەر باشور و بێ هەڵوێستی بەشێک لە لایەنەکانی باشور و حکومەتی هەرێم و عێراقی کرد هاوکات ڕاشی گەیاند پەیوەندی پارتی دێموکراتی کوردستان و حکومەتی هەرێم زیانی بۆ دۆزی کورد دەبێت و داواشی کرد لەم قۆناغەدا هەموان خاوەن هەڵوێستێکی نەتەوەیی بن .

ئاڕاستە : مەترسی و بەردەوامی هێرش و لشکرکێشیەکانی تورکیا بۆ سەر خاکی باشور لە سنوری سیدەکان و بادینان چیە ؟ 
 
سەرحەت ڤارتۆ بۆ ئاڕاستە " " لە سەرەتاوە دەڵێین هێرشی دەوڵەتی تورک تەنها دژی (pkk ) نیە ، ئەم هێرشانە دژی دەستکەوتی کوردە ، ئامانجی دەوڵەتی تورک لە ناوبردی دەستکەوتی کوردانە بۆیە هێرش دەکاتە سەر باکور و باشور و ڕۆژئاوا و بۆ ڕۆژ هەڵاتیش دژی هێزە کوردیەکان هەنگاوی خۆی ناوە ، ستراتیژی ئێستای تورک لە سەر لەناوبردی کورد بنیات ناوە ، هێرشەکانی لە ئێستا دا بۆ سەر ( pkk ) کە هێزێکی زیندووی هەرە دینامیکە لە کوردستان ، لە سەرەتادا نیازی لە ناوبردنی ( pkk ) یە و دواتریش بە ئاسانی هێزکانی تری باشور و دەست کەوتەکان لەناو دەبات  ،ئەو ڕاستیەش دەبێت بزانرێت  دەوڵەت تورک تەنها بەناوی خۆیەوە هێرش ناکاتە سەر کورد بەڵکو  هاوکاری و پشتوانی گشت داگیر کەران  ئەم هێرشانە ئەنجام دەدات هەموان هاوکار و پشتوانی تورکیان ، دەبێت هەموو کوردی دژی ئەم داگیرکەریەی تورکیا بوەستنەوە ، کە دەبێتە هۆی دژ وەستاندنەوەی گشت داگیرکەران " .
ئاڕاستە : بێ هەڵوێستی پارتی دێموکراتی کوردستان کە تورکیا لە سنوری دەسەڵاتی ئەوە لشکرکێشی دەکات  وە بێ هەڵوێستی حکومەتی هەرێم و بەغدا تاچەند بۆتە هۆکار بۆ ئەوەی تورکیا سەربەستانە بێتە ناو قوڵای خاکی هەرێم ؟

بەرپرسی پەیوەندیەکانی ( کەجەکە ) بۆ ئاڕاستە  وتی " 

بەتایبەت هەندێ هێز وەک پارتی دێموکراتی کوردستان ( PDK )  هێرشی دەولەتی تورک بۆ سیاسەتی ناوخۆی کورد  بەکاردەهێنێ حساب دەکات کە ( PKK ) بێ هێز بێت ئەوا ( PDK ) بەهێز بێت ، پێویستە هەموان ئەوە بزانن کە هێزێکی کوردی هێزێک لاواز بێت ئەوە گشت کورد لاواز دەبێت ، پێویستە هەموان ئەو ڕاستیە بزانن ، کە هەر هێزێک بەهێزبێت گشت کورد خورت و بەهێز دەبێت ، پێویستە هەموان دژی ئەو هێرشانەی تورکیا بوەستنەوە ، جگە لەوەش پێویستە بزانرێت ئە هێرشە دژی هەموو کوردە  نەک بەتەنها دژی ( PKK ) ،
بێ هەڵوێستی پارتی دێموکراتی کوردستان و حکومەتی هەرێم ئەوە نیشان دەدا ئەم لشکرکێشیە بە ئاگاداری ئەوان دەکرێت ،  لەگەڵ تورکیا کەوتۆنەتە پەیوەندێکی بەهێز فەقەد ئەم پەیوەندیە لە بەرژەوەندیە نەتەوەی کورد دانیە  ئەم بەرژەوەندیانە بەشێکی کەسی و بەشێکی حزبیە مومکینە حزبێک و بنەماڵەیەک سود ببین بەڵام بۆ نەتەوەی کورد دەبێتە زیان ، بۆیە ئێمە دەڵێین ئەو سیاسەتە لەگەڵ داگیرکەران بەم شێوازە سیاسەتە کارکردن لەگەڵ داگیرکەران زیانی زۆر بەکورد و ئەو هێزە سیاسیانە دەگەیەنێت لە داهاتودا ، بۆیە پێویستە دەستبەرداری ئەم سیاسەتە بن ، کاتێک دەوڵەتی تورک ( ئاکەپە ) لە دنیادا هاتۆتە تەجریب  کردن ، ئەو پەیوەندیەی پارتی دێموکراتی کوردستان ( PDK ) ‌و حکومەتی هەرێمی کوردستان لەگەڵ دەوڵەتی تورک بەشێوەی ستراتیژی  هەیانە لە سودی پارتی و حکومەتی هەرێم نیە ، ڕاست ئەوە و پێویستە ( PDK ) و حکومەتی هەرێم دژی ئەم داگیرکاریە خاوەن هەڵوێست بن ".

هەروها ئاماژەی بەوەش کرد " لەسەر هەڵوێستی عێراق ، کاتێک لە عێراق کەوتە ئەم حاڵەتەوە و (داعش ) هاتە ئاراوە چەک و پێداویستیان بۆ دابین کرا ، کاتێک موسڵ ڕادەستی داعش کرا ئەوە دەوڵەتی تورک بوو هەموان دەزانن  ، پەیوەندی کونسڵگەری تورکیا و داعش چۆن بوو ، پێویستە دەوڵەتی عێراق ئەوە بزانێت تورکیا بەرژەوەندی عێراقی ناوێت ، ئامانجی دەوڵەتی تورک کە لە ناوبردن ی دەستکەوتی کوردە واتە دەیەوێت نفوزو دەسەڵاتی خۆیەتی لە عێراق و سوریا بەدی بهێنێت . چەند جار تورک بە ئاشکرا ڕایگەیاندووە پێویستە نوێژی هەینی لە مزگەوتی ئومەوی لە  شامێ بکەن ، ئەگەر دەرفەتی هەبێ دەیەوێ بەغداش داگیر بکات بیخاتە ژێر ڕکێفی خۆیەوە ، کە دەولەتی تورکیا هێز دەنێرێتە سەر کورد ئەوا دەبێت حکومەتی عێراق وای ببینێت کەم هێرشانە بۆ سەر ئەوە ، لە ئێستادا تورکیا دەیەوێت عێراق دژی باشور و کورد بەکار بهێنێت . لە مێژووی 100 ساڵی ڕابردوو دا و وە کاتێک ( سەدام حسێن ) دژایەتی  کوردی کرد بە  لەناوبردنی خودی سەدام کۆتایی هات .  هەرکات کورد و بەغدا بوونە یەک ئاوەدانی و پێشکەوتن لە عێراق و کوردستان دێتە ئاراوە ، بەغدا دژی ئەم داگیرکاریە بوەستێتەوە " .



ئاڕاستە : وەک بینیمان لەسەر کوشتنی خاشقچی لە وڵاتی تورکیا بە دەیان وڵات هەڵوێستیان ڕاگەیاند ، کەچی کاتێک شەنگال چۆلکرا و دانیشتوانەکەی کۆمەڵکوژ کرا هەڵوێستی کۆمەڵگای نێودەوڵەتی وەک پێویست نەبوو ، بەڕای ئێوە لە ئێستادا بەرژەوەندیە ئابووریەکان نەکەوتونەتە پێش مافی مرۆڤ ؟ 

سەرحەت ڤارتۆ " ئەمڕۆ ئەو سازی دەزگا نێو نەتەوەییەکان ئەوەی باسی مافی مرۆڤ دەکەن هیچ نرخێکیان بۆ مافی مرۆڤ و نێونەتەوەی نەهێشتۆتەوە ، مافی مرۆڤ و مافی نێونەتەوەی بۆتە باسی بازاڕی ، ئەگەر لە بەرژەوەندی ئەوان دانەبێ گەورەترین کۆمەڵکوژی نابینن ، ئەگەر لە بەرژەوەندی ئەواندابێ بۆ کوشتنی کەسێک لە دنیادا دەنگیان بەرز دەکەنەوە و هەڵوێست ڕادەگەیەنن ، کاری فاشستی وەهایە ، بێگومان کوشتی کەسێک هۆکارێکی هەیە ، ئەو بابەتە سیاسی یە ، تورکیا لەسەر ئەم بابەتە بازاڕی خۆی پێش دەخات  بە وێنەیەکی ماف و لە چوار چێوەی مافی مرۆڤ دا دەیەوێت بازاڕی خۆی پێش بخات ، هەمان نزیک بوون لە سەر کورد وەک ( شەنگال و عەفرین ) هەڵوێستیان نیشان نەدا لە سەر( ئیدلیب ) دا جیهانی نێونەتەوەی هەڵویستیان ڕاگەیاند لە سەر عەفرین و شەنگال بێدەنگ بوون ، دەبێت وترێت هێزی نێودەوڵەتی ڕەچاوی بەژەوەندی خۆیان دەکەن ، نەمەسەلەی مافی کوردە نە مافی مرۆڤە نە مافی ژنانە نە مافی گەلانە ئەگەر بەرژەوەندی ئەوان دابێ هەڵوێست وەردەگرن ئەگەر ئەوان نەبێ ئەوا بێ دەنگن " .


ئاڕاستە : دۆخی ئابووری تورکیا ناجێگیرە هۆکار و زیانەکانی بۆ ووڵاتی تورکیا چیە ؟ 

هەڤاڵ ڤارتۆ بۆ ئاڕاستە ئاماژەی بەوە کرد " دۆخی ئابووری و کۆمەڵگایی دەوڵەتی تورکیا بە دۆزی کوردەوە گرێ دراوە ، سیاسەتی دژی کورد و سیاسەتی شەڕی پێشخست هەموو ئابووری تورکیاو سیاسەتی تورکیا لە دوژمنایەتی کورد ڕێکخست و دۆخی ئابووری تورکیا تێکچو ، هەمو کەس  دەزانێ  و باش دەبیێ بۆ شەڕ بە ملیۆنان دۆلار تێچویەتی هەموو چیاو دارووباری کوردستان بۆمباران دەکەن ئەوە پارەی پێویستە ، بەسەد هەزاران جەیش چەکدار دەکات ئەوەش پارەی پێویستە ، لەگەڵ ئەوە  هێزی نێونەتەوەی دەهێنێتە بەرەی دژی کورد وەک ئەوەی بینیمان لەگەڵ ڕووسیا بە ملیارد دۆلار پەیمانی لەگەڵ ڕووسیا دروستکرد لە سەر بەرژەوەدی ئابووری تورکیا  ، لە ئەنجام دا ئەوەی ڕوودەدا کورت هێنانی دۆخی ئابووریە لە تورکیا " .



ئاڕاستە :  گۆشەگیری بەڕێز ( عبدوڵا ئۆجالان ) بەردەوامە ئێوە هیچ دەربارەی تەندروستی بینینی دەزانن لەو بارەیەوە .

سەرحەت ڤارتۆ بۆ ئاڕاستە " لە سەرۆک ئاپۆ گۆشەگیریەکی گران هەیەو  بەردەوامە و ئەو گۆشەگیریە بە تەنها تورکیا نیە ، ئەوە سیستەمی ناونەتەوەی یه کە بەردەوامی بەم گۆشەگیریە دەدات   ، لە پشت ئەو گۆشەگیریە بەتایبەت ( دامەرزاوەی ناونەتەوەی و وڵاتانی ئەوروپی و دادگای مافی مرۆڤی ئەوروپی  و کۆنسەی ئەوروپا ) لە پشت ئەم گۆشەگیریە بەردەوامیەوە هەیە ، چونکە کاتێک سەرۆک ئاپۆ دەستگیر کرا و خرایە ئیمڕالیی  ئەوە تورکیا نەبوو ، ئەمریکا و ئیسڕائیل و وڵاتانی ئەوروپا ئەو هێزانە سەرۆک ئاپۆیان خستە ئیمڕاڵی ، هەر پڕۆسەک لە ئیمڕاڵی
بێت بە ئاگاداری ئەوانە ، ئەوان نایانەوێت لەم پێواژۆیەی  ڕۆژهەڵاتی ناوەڕاست دا ئاڵۆزیەکی گەورە  هەیە نایانەوێت سەرۆک ئاپۆ بەبۆچون و ڕامانی خۆی  لە چارەسەرکردنی بەشدار بێت ، چونکە ئەوان ئەزانن ڕۆڵی سەرۆک ئاپۆ چۆنە و دەتوانێت بە ڕاوو بۆچون وتارەکانی گۆڕانکار گەورە  لە ناوچەکە و بۆ دۆزی کورد پێش بخات " .
575 جار خوێندراوه‌ته‌وه‌
10/21/2018 1:21:52 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ