کۆمەڵایەتی
پۆلیس چوارکەسی بەپێ ی ماددەی ( 444 ) دەستگیر کرد .
 ئاڕاستە : هەردی حەسەن
پۆلیسی ڕاپەڕین دەستگیر کردنی ( چوار ) تۆمەتباری لە سنوری قەزای ڕانیە ڕاگەیاند و لە ئێستادا لیکۆڵینەوەیان لە گەڵدا دەکرێت .

شۆڕش ئیسماعیل وتەبێژی بەڕێوبەرایەتی پۆلیسی ڕاپەڕین تایبەت بە ئاڕاستەی ڕاگەیاند " دوای ئەوەی  هەفتەی ڕابردوو هاوڵاتی یەکی سکاڵاکار بەناوی  ( ع ، ب ) سەردانی بنکەی پۆلیسی  (حاجیاوا ) ی کرد و سکاڵای تۆمارکرد لەسەر ئەوەی کە دزی لە دوکانەکەی کراوە لە ناو بازاری ناحیەی حاجیاوا کە بڕێک پارە لە دوکانەکەی بردراوە. مەلەفی لێکۆڵینەوە ڕێکخرا و بڕیاری دادوەر بەدەست هات بۆ دۆزینەوەی تۆمەتباران و دەسگیرکردنیان ،دوای بەدەست هێنانی زانیاری لەلایەن بنکەی پۆلیسی حاجیاوا و بەهاوکاری بنکەی پۆلیسی ناحیەی (بێتواتە ) لەهەمان ڕۆژی تۆمارکردنی سکاڵاکە، چوار تۆمەتباری نەوجەوان دەستگیر کران " .

ناوبراو وتیشی " دوای لێکۆڵینەوە لەگەڵیان لەبەردەمی پۆلیس و دادگا دانیان ناوە بە تاوانەکەیان کە بڕێک پارەیان لە دوکانی سکاڵاکاری ناوبراویان دزیوە، هەروەها دانیان بەوەشداناوە کە لە چەند شوێنی تر هەستاون بە ئەنجامدانی تاوانی دزی کردن، لە ئێستاداو  بەبڕیاری دادوەر هەر چوار تۆمەتبار ڕاگیراون بە پێی ماددەی ( 444 ) لە یاسای سزادانی عێڕاقی. لێکۆڵینەوەش بەردەوامە" .
657 جار خوێندراوه‌ته‌وه‌
10/16/2018 11:20:08 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ