بیروڕا
شۆڕشگێڕەکانی دوێنێ و پوچگەرایی سیاسی نەوەی ئێستا لە ساڵیادی نێکۆشەرێکی نەسرەوت.
پاڕێزەر ـ ڕێناس عەلی بۆران
چاوەڕوانی نەوەكانی پێشوو، ئەوانەی لەناو سەرمای زستان‌و تاقەتپڕوكێنی شاخە بڵندەكانی كوردستان لەگەڵ ڕەهێڵەی بەفر. لەناو ئازاری، خەمە قوڵەكانی نیشتیمان و سەماكردنیان لەگەڵ خەونەكانیان‌و دووری لە باوەشی  خێزانەكانیان. هەموو چاوەڕوانی ئەوان بۆ میسالێكی وەهمی نەبوو، هەروەك(لە چاوەڕوانی گۆدۆدا)، چاوەڕوانیی ئەو نەوەیە چاوەڕوانیەكی پرشنگدارتربوو لەمڕۆ، لە زەمەنێك نەوەیەك پەیدا ببێت، جەبرەكانی حوكمڕانی، وابكات، گومان لە كولتووری شۆڕشگێڕانەیان بكات.

  مرۆڤی شۆڕشگێڕ، ئەوكاتەی ڕادەچڵەكێت و بڕیاری ئەوە دەدات، دەستبداتە چەكەكەی، كردەیەكی ئینفیعالی نییە، بەڵكو هۆشیاریەكی وجوودیە دەرهەق بە بوونی خۆی، بەرامبەر بەو مەترسیە گەورەیەی لەسەر كیان و بوونی دروستدەبێت.
روانینی ئەوان بۆ شۆڕش ئەوپەڕی ریالیستانەو رادیكاڵانەبووە. هەربۆیە وزەی خۆیان، لە واقعی بوونی  خەبات‌و ئامانج بۆ سەرخستنی دۆزەكەیان وەدەگرت، هەربۆیە توانییان چۆك بە ستم كارترین رژێمی ناوچەكەدا بدەن. 

 ئەو سەردەمەی باوكم(عەلی ئاغای بوران) دەستی داوەتە چەك، بۆ نیشتیمانێك بوو، پڕ لە ئازادی، پڕ لە خۆشبەختی نەوەكانیان. نیشتیمانێك كە لە قۆناغی ئازادیدا، تێگەیشتنێكی قووڵی  بۆ ئەو خەونانە هەبێت كە ئەوان‌و هەزارانی دیكە لە پێناویدا خوێنیان بەخشی. 
پتر لەهەر سەردەمێك، ئەم سیاقەی ئێستا تێدا دەژین، دەبوو سیاقی بوژانەوەبێت، تێگەیشتنێكی ڕەخنەگرانەبێت بۆ بوونمان وەكو نەتەوە، ئەگەر نەتەوەین بۆچی نەوەی شۆڕشگێڕەكان دەستوپەنجە لەگەڵ دیدی گومانكارانەی ئەم نەوە تازەیە نەرم دەكات، كە بەرامبەر شۆرش‌و توراسی شۆڕشگێڕەكان هەیەتی.

 ئێستا كە ساڵێك بەسەر كۆچی باوكمدا تێدەپەڕێت لەهەر كاتێك زیاتر، یەكێتیەكەی پێویستی بە گەڕاندنەوەی ئایدیاكانی باوكم‌و هاورێكانی هەیە. كەس هێندەی یەكێتی لەپێناو ئایدیا مەزن تێنەكۆشاوە، ئەی بۆچی ناتوانین پێشەنگایەتی بۆ وەرچەرخان لەپێناو حزبایەتیەك‌و حوكمڕانیەكی دروست بەدەستبهێنینەوە...؟

‌‌ زیاتر ...
هونه‌ر ره‌سوڵ ئه‌حمه‌د
هونه‌ر ره‌سوڵ ئه‌حمه‌د
هونه‌ر ره‌سوڵ ئه‌حمه‌د
هونه‌ر ره‌سوڵ ئه‌حمه‌د
زۆرترین خوێندراو
  • 24 کاتژمێر
  • هەفتە
  • مانگ