بیروڕا
یەكێتیی مەسوتێنن
د.به‌ختیارشاوه‌یس

لەم دۆخە پرلەئاڵۆز و نەخوازراوەی كەبەرۆكی هەرێمی كوردستان بەگشتی و ناوچەكانی پارێزگای سلێمانی بەتایبەتی گرتوەتەوە ، هەموولایەك چاویان لەنەمانی یەكێتیی یە زیاد لەوەی كە چاوەروانی باشكردنی موچەی فەرمانبەران بن. 
ئەوەندەی دەیانەوێت حیزبەكەی مام بدەنە سەرزەوی و هەناسەی یەكجاری لێببرن بەنیو هێندە نایانەوێت دەستی هەژارێك بگرن و لەتەنانێكی بدەنێ ،  یان ناخوازن پێشمەرگەیەكی ماندوی دوای شەری داعش بحەسێننەوە. سەیرەكە لەوەدایە كە ئەم یەكێتییە هێندە بەهێزە تەنانەت نەك دژ و ركابەر و نەیارەكانی ،بەڵكو دەبینین كە لەهەندێك بارەگای خۆیەوە ئاگر لە خۆی بەردەدرێت یان لەسەر مێزو سفرەی رازاوەی پارەی یەكێتییەوە هانی ناحەزەكانی دەدرێت پەلاماری ماڵەسەوزەكە بدرێت و بسوتێت و بەڵام یەكێتیی گڕ ناگرێت.
پرسیارە زیندوەكە ئەوەیە ؛ كادیر وپێشمەرگەكانی یەكێتیی وەك خۆپیشاندەران بێموچەن. بارەگاكان بێكارەبا و سارد و سڕن زۆپاو مۆلیدەكانی مەڵبەندوكۆمیتەكان نەوت و گاز نیە تێیبكەن، كەواتە ئەی بۆ دەبێت یەكێتیی بكرێتە ئامانج و بسوتێنرێت؟
هەر بەراست تۆ بڵێی نەزانن كە حكومەت و وەزارەتەكان بەرپرسن لە دابینكردنی موچە و كارەباو نەوت و خزمەتگوزاری یە سەرەتاییەكان؟
ئەی نازانن لەم حكومەتە یەكێتییەكەی مام بە ۱۸ كورسی پەرلەمان بەشدارە و دەبێت ئەگەر حەق و حسابیش بێت هەر لایەو بەپێی قەبارەی خۆی شكستی بەر بكەوێت و دادگایی بكرێت؟
ئەی تۆ بڵێی لەیادیانچوو بێت كاتێك پارتی و گۆران ئەم كابینەیەیان دروستكرد ، یەكێتیی لەماڵ كرابوە دەر و وەك حیزبێكی بێكەس و بێدەرەتان سەیریان دەكرد و لە كۆبونەوەی ژوورە داخراوەكان بە گاڵتەوە ئەمیان وتی ئێكەتی نەماوە و ئەویتریان سەری بۆ لەقاندوو وتی ئاخر و ئۆخرەكەیەتی ؟ هەر بەراست تۆ بڵێی لەبیریان كردبێت كە لەیەكەم كۆبونەوەی ئەم خولەی پەرلەماندا سەرۆكی پەرلەمان وتی پەرلەمان كەوتەوە دەست هاوڵاتیان و بوە مانشێتی تیڤی وكەناڵەكانی راگەیاندنیان و وەك پاڵەوانی جەنگ خۆیان نمایش دەكرد؟
ئەی بیرتانچوو ئەم حكومەتە بەهەموو كەموكورتیەكانیەوە بەرهەمی ۳۸ كورسی پارتی و ۲٤ كورسی گۆڕان و ۱۸ كورسی یەكێتیی و ۱٠ كورسی یەكگرتوو و ٦ كورسی  كۆمەڵی ئیسلامیە، كەدەبێت هەر لایەنێك بەقەدەر حەجمی خۆی لێپرسینەوەی لەگەڵ بكرێت دوای ئەوەی كەبۆتان دەركەوت یەكێتیی لەكاتی ژان  دەگەشێتەوە و لە زریاندا هەڵدەچێت و لەهەڵبژاردنەكانی پەرلەمانی عیراق خەونەكەتانی خستە گۆرەوە ، ئیتر مانگی هەنگوینی رێكەوتنەكەی ساڵی ۲٠۱٤ كۆتایی هات و كەوتنە وێزەی یەكتر و بەڕێگری لە سەرۆكی پەرلەمان بۆ چونە هەولێرو دەركردنی وەزیرەكانی گۆران لەلایەن پارتی تا دەگاتە رووداوەكانی دواتر ئەم رۆژە رەشەتان بۆ ئەم میللەتە دروستكرد. 
ئێستا بۆ پەلاماری كادیر و كۆمیتەكانی یەكێتیی دەدەن؟ ئەی نازانن مناڵەكانی ئەوانیش پارەیان پێنیە بچن بۆ خوێندنگە، یان بچن بۆ لای پزیشك كە نەخۆش دەبن؟
یەكێتیی كە لەهەناوی خەڵك دروستبوە و هێڵە گشتیەكانی سیاسەتی لەسەر خزمەتی خەڵك و مافە رەواكانی جەماوەر دارشتوە ، چۆن لەگەڵ خەڵكی هەژار نابێت و پشتیوانیان لێناكات، چۆن دەتوانێت هاوڵاتی كورد بكوژێ ئەگەر نەك بارەگایەك و دوان و سیان بەڵكو هەموو بارەگاكانیشی بسوتێ ، ئەی نازانن هێشتا خۆڵی سەرگۆری شێركۆی فاتح شوانی و حسین مەنسوور و صلاح دیلمانی و سەدان هاورێی تریان وشك نەبوتەوە كەتاكە ئامانجیان ئەوە بوو خوێنی گەنج و منداڵ و پیاوی كورد نەرژێت و بەدەستی شەمشەمەكوێرەكانی داعش ئەتكی ژن و كچەكانمان نەكرێت ، ئیتر چۆن هاوسەنگەرەكانیان دەستیان دەچێتە خوێنی خزم و كەسوكارو هاوڵاتیەكانیان ،
بەڵام خۆ دەبێت ئەجێندای سیاسی و پروپاگەندەی پێشوەختی هەڵبژاردن لە ئامانجی راستەقینەی خەڵكی نارازی جیابكرێتەوەكە دێن دەمانسوتێنن خۆ دەبێت كادیرەكانمان بڵێن ئێمەش وەك ئێوە بێموچە و بێدەرەتانین ، بڵێن كۆمیتە وەزارەت نیە
دەبێت بڵێن بەهێمنی و دوور لەسوتاندن برۆن لەهەولێر وەزارەتی سامانە سروشتیەكان و دارایی و دەسەڵاتەكان بونیان هەیە و داوای نەوتی دزراو و موچەی فەوتاوتان بكەنئەم ئەجێندایە هێندە داخ لەدڵە بۆ یەكێتیی و زۆنی سەوز ، فەرمانگەی كارەبا دەسوتێنێت و داوای چاككردنی كارەبا دەكات ، ئاسایش ئەسوتێنێت و داوای سەلامەتی و ئارامی دەكات ، بۆری ئاو دەشكێنێت و هاواری بێئاوی دەكات ،
فایل و ئەوراقی مەحكەمە هەپرون بە هەپرون دەكات و داوای عەدالەت دەكات. قائیم قامیەت دەروخێنێت و داوای دەوڵەتی دامەزراوەیی دەكات ، پێشمەرگە دەكاتە میلیشیاو داوای هاتنی حەشدی شەعبی دەكات یەكێتیی مەسوتێنن ، هێندەی نەماوە و لە هەڵبژاردن بەشێوەیەكی دیموكراسیانە ئیرادەی خۆتان لەسندوقەكانی دەنگدان دەرببرن ، یەكێتیی مەسوتێنن دواتر هەموان بەسلێمانی و كەركوك  و هەولێر و دهۆكەوە باجی بێ یەكێتیبوون دەدەین ،
 ئەی نازانن ئەوەی كە روودەدات دەرەنجامی كەمبونی دەنگەكانی ئەم حیزبەیە لە هەڵبژاردنەكانی ۲٠۱۳/۹/۲۱ و هەبوونی لاسەنگی هێزە لەكوردستان كە دواجار بەسوتانی یەكێتیی ئەوەیشی كەلەم هەرێمە ماوە دەسوتێت.
‌‌ زیاتر ...
فه‌رید ئه‌سه‌سه‌رد
ستران عەبدووڵا
فه‌رید ئه‌سه‌سه‌رد
ستران عەبدووڵا
عەبدولواحید محەمەد
رێبواری ئیعلام
زۆرترین خوێندراو
  • 24 کاتژمێر
  • هەفتە
  • مانگ