بیروڕا
کێ باسی خیانەت ئەکات؟
كوردۆ شوانی
نکوڵی لەوە ناکرێت لە فەرهەنگ و مێژوی کورد دا هاوتەریب لە گەڵ درەوشانەوەی دێڕەکانی بەرخۆدان و سەرهەڵدانە مەزنەکاندا پەڵە ڕەشەکانی ناپاکی و خۆفرۆشی و خاك و گەل فرۆشی و خیانەت لاپەڕەکانی شێواندووە، ئەو مژارە لە ئەدەبیاتی نەتەوەکەمان شوێنی خۆی گرتووە، هەر وەک مامۆستا پەشێو فەرمویەتی(هەرکات مێژوو دەخوێنمەوە 
بەهەردوو دەست چاوم دەگرم 
دەڵێم نەکا لەشەرمانا،
لەبەردەمی دێڕێک بمرم،
پەڕەی مێژووی کورد هەروایە 
تاسەیریکەی شەرمی تیایه،
یان زێدی خۆی فرۆشتووە،
یان کورد خودی خۆی کووشتووە)
ئەوەی لە ئەنجامی ڕاپرسیە شومەکەی 25ی ئەیلول بەسەر کورد هات ئاشبەتاڵێکی تر بوو بە فۆڕمێکی جیاوازتر، لە دەستدانی نیوەی خاکی باشوری کوردستان هەڵەی بڕیاری سیاسی بوو نەک شکستی سەربازی، تۆمەت بەخشینەوە بۆ چەند کەس و لایەنێکی تر بێ بنەماو پوچە، ئەوەی جێی سەرنجە کار گەیشتووە بەوە کەسانێک تۆمەتی خیانەت دەبەخشێننەوە خۆیان نقومی لیتەی خیانەتن، بۆ نمونە کەسێکی وەک عوسمان بەداخەوە کە هەڵگری پاش ناوی ئۆجەلانە خەڵک تەخوین دەکات، خۆی گەورەترین خیانەتی کردوو بە سێ پلە زیاتر لە خیانەت کارەکان، یەکەم لە نەتەوەکەی دووەم لە پارتەکەی سێیەم لە ماڵباتەکەی، کەچی بێ شەرمانە باسی کەرکوک دەکات و تۆمەتی خیانەت دەخاتە پاڵ یەکێتی نیشتمانی کوردستان و PKK ش تێکەڵی بابەتەکەدەکات، ئێستاش لە یادمە لە ساڵی 2004 دا ئەو عوسمانە خۆی و ژمارەیە بزیوی هاو کاری خیانەتیان لە گەل و بزاڤەکەی خۆیان کرد گەورەترین خۆپێشاندانی جەماوەری لە باکوری کوردستان و دەرەوەی وڵات لە دژیان ئەنجامدرا، لە ناو ئەو هەزاران کەسەدا مایکی تیڤییەک چووە لای دایکێکی پیر و لێی پرسی دایە تۆ بۆچی هاتوی؟ لە وڵامدا وتی منیش هاتوم ئەو بەرازە شەرمەزاردەکەم، هەڵبەتە مەبەستی عوسمان بوو، ئێستا ئەوعوسمانە لە پێناو تیکەیەکی چەوردا لە شاشەی تیڤییەوە بێشەرمانە ئەڵێ 38 سەرکردایەتی یەکێتی و 8 ئەندامی پەکەکە خیانەتیان کردووە لە کەرکوک، ئەوجۆرە قسانە بە فلسێکی سوتاو کەسێکی ژیر نایکڕێت بەڵام کەسێک خۆی شکستخواردو دۆڕاو و ناپاک بێت هەق نیە ڕوی سەر شاشەی هەبێت، هەقە بزانی ئەوەی شایستەی تۆیە تەنها ئەوەیە کە دایکە باکوریەکە پێی وتی.
‌‌ زیاتر ...
بورهان شێخ ڕه‌ئوف
سه‌رتیپ جه‌وهه‌ر‌
د.به‌ختیارشاوه‌یس
بورهان شێخ ڕه‌ئوف
فه‌رید ئه‌سه‌سه‌رد
بورهان شێخ ڕه‌ئوف
سه‌ربه‌ست جیهاد
د.به‌ختیارشاوه‌یس
بورهان شێخ ڕه‌ئوف
بورهان شێخ ڕه‌ئوف